Lazio ka marrë një fitore të madhe në “Olimpico” ndaj Interit, në supersfidën e javës së 24-të në Serie A.

Bardhekaltrit e filluan vrullshëm takimin, duke goditur traversën me Milinkovic-Savic. Goli i parë i takimit u shënua në minutën e 44-të, ku Ashley Young i gjendur brenda zone mposhti Strakoshën me një goditje të bukur, pas topit të goditur nga Candreva. Pjesa e parë u mbyll 0-1 për zikaltrit.

Lazio barazoi rezultatin 1-1 në fillim të pjesës së dytë. Immobile dërgoi në rrjetë penalltinë e fituar po nga vetë ai, pasi u pnegua brenda zone nga De Vrij.

Në minutën e 69-të ishte Milinkovic-Savic që shënoi golin e avantazhit për bardhekaltrit, mesfushori serb shënoi pas një rrëmuje në zonë. Rezultati mbeti i pandryshuar deri në fund.

Pas kësaj fitoreje, Lazio ngjitet në vendin e dytë me 56 pikë, një më shumë se Juventusi i vendit të parë. Interi është i treti me 54 pikë. /CNA.al

The post Video: Lazio me fitore të madhe ndaj Interit, ngjitet në vendin e dytë appeared first on Sport.