Ndryshime të mëdha priten në klubin e Barcelonës në vitet e ardhshme, duke filluar me lojtarët. Flitet për rinovime dhe blerje të reja. Midis këtyre të fundit, gjithnjë ekziston emri i Lautaro Martinez. Lionel Messi foli për blerjen e mundshme të sulmuesit të Interit, në një intervistë për “Mundo Deportivo”. Fjalë lavdërimi për partnerin e sulmit në kombëtare, me të cilin shpreson të ndajë fushën edhe në nivelin e klubit:

“Lautaro është spektakolar, mbresëlënës, ai do të bëhet një lojtar i shkëlqyeshëm dhe po e demonstron këtë. Ai është i mirë në dyluftimet një kundër një, shënon shumë, lëviz si duhet në zonë, ka shumë cilësi. Është i plotë, ka shumë të përbashkëta me Suarez. Të gjithë lojtarët e mirë përshtaten për të luajtur me njëri-tjetrin. Luis mund ta ndihmojë atë të përshtatet. A mund të na shihni së bashku? Unë uroj që më të mirët të vijnë këtu dhe të përpiqen të fitojnë gjithçka”.

The post Messi zbulon sulmuesin e ri të Barcelonës/ Ai është spektakolar appeared first on Sport.