13 C
Tirana
March 31, 2020
Sport Super Liga

E FUNDIT/ Shkatërruan stolat e "Air Albania"-s, policia bën kërdinë. Ja personat e arrestuar dhe të shpallur në kërkim

Incidente aspak të hijshme u regjistruan në 2 ndeshjet e zhvilluara ditën e premte dhe të shtunë në stadiumin e ri Kombëtar, “Air Albania” në sfidat mes Kukësit dhe Tiranës si dhe Partizani-Bylis. 3 persona janë venë në pranga nga Policia e Tiranës, si dhe 9 të tjerë janë shpallur në kërkim pas shkatërruan stolat e “Air Albanias”.

Ky fakt bëhet i ditur nga Policia e Tiranës nëpërmjet një njoftimi zyrtar.

Njoftimi i Policisë së Tiranës:

Shkatërruan stolat e stadiumit “Air Albania” dhe hodhën sende të forta në fushë gjatë dy ndjeshje të futbollit më datë 21 e 22 shkurt, vihen në pranga 3 shtetas, shpallen në kërkim 9 të tjerë, si dhe 6 procedohen penalisht.

Më datë 22.02.2020, në orën 17:00, në stadiumin “Air Albania” është zhvilluar ndeshja e futbollit ndërmjet skuadrave të Partizani dhe Bylisit dhe më datë 21 shkurt është zhvilluar ndeshja midis ekipeve Tirana-Kukësi.

Gjatë zhvillimit të ndeshjeve, disa tifozë të këtyre skuadrave kanë hedhur sende të forta në fushë dhe kanë thyer stolat e stadiumit.

Pas veprimeve të shpejta hetimore të kryera nga ana e Seksionit për Hetimin e Krimit në Komisariatin e Policisë Nr. 1 Tiranë, për ngjarjet e ndodhura, është bërë i mundur zbulimi, kapja dhe arrestimi në kushtet e flagrancës, për veprat penale “Veprime të dhunshme në aktivitetet Sportive” dhe “Shkatërrimi i pronës”, i shtetasve:

G. M., 39 vjeç, K. B, 26 vjeç, tifozë të skuadrës së Bylysit, si dhe L. G, 35 vjeç tifoz i skuadrë së Tiranës.

Gjithashtu u shpallën në kërkim 9 tifozë të skuadrës së Tiranës dhe konkretisht shtetasit E.M, J.S, A.T, M.H, M.B, A.S, E.S, G.M dhe F.SH.

Po në vijim të veprimeve u proceduan penalisht në gjendje të lirë edhe 6 tifozë të Tiranës konkretisht shtetasit J.K, A.LL, E.Z, T.A, A.R dhe D.T

Nga terësia e veprimeve proceduariale të kryera nga ana e Policisë ka rezultuar se këta shtetas kanë kryer veprime të dhunshme gjatë zhvillimit të ndeshjeve duke dëmtuar stolat dhe hedhur sende të forta në fushën e futbollit “Air Albania”, Tiranë.

Vijon puna për kapjen e personave të shpallur në kërkim dhe identifikimin e prsonave të tjerë të përfshirë në këto veprime të kundërligjshme.

Materialet proceduriale i kaluan Prokurorisë së Rrethit Gjyqësor Tiranë, për veprat penale “Veprime të dhunshme në aktivitetet Sportive” dhe “Shkatërrimi pronës”.

The post E FUNDIT/ Shkatërruan stolat e “Air Albania”-s, policia bën kërdinë. Ja personat e arrestuar dhe të shpallur në kërkim appeared first on Sport.

Related posts

Pritja mbaroi, luftëtari Jashanica gati për sfidën ndaj Teutës

admin

“Akoma shpreson byrazer?”, Doka batuta me Abazajn dhe Keidi Baren

admin

Koronavirusi bën kërdinë, stadiumi i famshëm bëhet… spital

admin

Leave a Comment