Vllaznia ka humbur sërish dje në transfertën e Durrësit (1-3). Të besuarit e Mirsad Jonuz kanë kaluar të parët në avantazh, teksa janë përmbysur qysh në pjesën e parë nga Teuta. Një gafë e portierit Laço i ka dhënë krah vendasve, që kanë shënuar edhe të tretin me fillimin e pjesës së dytë. Shkodranët e shohin veten në një situatë aspak komode, teksa pas 22 javësh mbajnë vendin e 8 me 28 pikë.

Kuqeblutë kanë zhvilluar pesë ndeshje këtë vit kalendarik, duke siguruar vetëm një fitore; atë ndaj Flamurtarit në shtëpi. Dy barazime dhe dy humbje kanë kthyer ethet e krizës në Shkodër, me lojtarët dhe drejtuesit që nuk janë të qetë as jashtë fushe. Shkodranët janë në hije, me ekipin që ka shënuar pesë dhe ka pësuar gjashtë gola në ndeshjet e fundit. Momentalisht Vllaznia është në play-off, vend që të çon në ndeshjen shtesë për të mbetur në elitën e futbollit shqiptar.

The post Disfata ndaj Teutës, Vllaznia merr “tatëpjetën” appeared first on Sport.